Хоби чаррох. На таджикском языке

     ХОБИ ЧАРРОХ


-Шаби Соли Нав имсол,
Агар бошад бемалол,
Рухсат дихед, чон сардор,
Ман набароям ба кор!-
Гуфт Шофеъи Салимпур
Бо зори ба сардухтур.
Сардухтур зуд рози шуд,
Вале таъкидаш бинмуд:
- Майлаш дар хона дам гир,
Вале кадах камтар гир,
Зарур шавад баногох,
Аз кучо кобем чаррох?..

Аз сухбати тулони
В-аз таъсири шумшароб
Он шаб чаррохи номи
Барвакт бишуд гарки хоб.
Ба курпааш печида,
Аз такдираш нолида,
«Чаро ман шудам чаррох?-
Гуфта, бинмуд оху вох:
- Магар дигар касб набуд
Зери осмони кабуд,
Ки аз чунин, гуё, «бахт»
Нолонам мани сарсахт?»
Пахлу гашт гур-гуркунон
Аз ташвишхои замон,
Гуё ин замон бо у
Беморе дошт гуфтугу.

Пас ором шуд якбора,
Олам гуё дигар шуд,
Дар хоби он бечора
Филми нав гуё сар шуд.
Агар яке аз шумо
Экстрасенс мебудед,
Аз хоби нави чаррох
Басо хайрон мешудед:
Дар хоби ширини худ
Дигар у чаррох набуд,
Сардухтур буду хушбахт,
Менишаст болои тахт.
Уро беморе дигар
Харгиз ташвиш намедод,
Наменамуд дарди сар,
Нолида намезад дод.
Дар курсии мулоим
Менишаст акнун доим,
Сигор мекашид бегам
Дар чои кори хар дам.
Ба наздаш ёру дустон
Меомаданд хар замон,
Сухбат мешуд бас форам
Пас аз ягон сад грамм…

Холо низ як хамсоя
Бо гилаву киноя
Назди «сардор» даромад,
То таклифаш намояд
Ба зиёфате, к-имруз
Дар он дустони дилсуз
Уро интизор хастанд,
Чунки ба у дил бастанд…

Чаррох, к-акнун сардор буд,
Тобеъаш хам бисёр буд,
Гушаки тилфон бардошт,
Пас боз ба чояш гузошт.
- Чи хизмат, сардор?- гуён,
Духтаре химчамиён
Аз дар омад нозкунон
Назди «сардор» шитобон.
- Тез ба мо кахва биёр,
Гамхоро аз дил барор,-
Бо такаббур гуфт сардор
Ба котибаи гамхор.
Котиба кахва овард,
Гам аз дилаш баровард…

Ин дам ба наздаш омад
Сардухтури пешина,
То хизмате намояд
Ба ин «дусти дерина».
Чаррох гуфт бо карру фар:
- Магар надори хабар,
Ки замон гаштаст дигар –
Ту дигару ман дигар,
З-ин пас ба хаддат нигар,
Калони дур кун зи сар!
- Хуб шудаст, сардор, - гуён
Сардухтур гашт ноаён…

Якбора занги тилфон
Баланд шуд он ними шаб,
Касе чаррохро ном бурд
Дагал, бо ному насаб:
- Ин Шофеъи Салимпур?
Саломалейкум, духтур!
Ман духтури навбатдор,
Тез оед ба чои кор!
Дар Чашмаи Арзана
Чавоне дар лимузин
Афтидаст ба садама,
Чарохатхояш вазнин.
Духтурон хама тайёр
Ба чаррохии бемор.

Холо Шофеъ Салимпур
Нашуда буд аз хоб сер,
Вале хамчун «сардухтур»
Шучоъ буду бас далер.
Гуфто ба он навбатдор:
- Ту хадди худ нигах дор!
Шабе ба истирохат
Чун сардухтур хак дорам,
Дигар макун норохат,
Макун аз хоб бедорам.
Ту чаррохро бедор кун,
Аз ин вазъ хабардор кун!
Маро надихед ташвиш
То пагох вакти гардиш.
Сипас тилфон хомуш кард
В-он зангро фаромуш кард,
Ба хоби ноз рафт аз нав
Шофеъ Салимпур даррав…

Агар, ки Шумо хохед,
Давоми хобаш донед,
«Саломат бошед!»-и мо
Пешкаш хохад кард онро.

Ё чун Субхон Муллохол,
Агар наояд малол,
Аз нав яке хачвия
Худ бинмоед тахия!

                2014