Дехкон ва шайтон. Крестьянин и дьявол

                ДЕХКОН  ВА  ШАЙТОН



    Киссаи манзум, ки мазмунаш мухтасаран аз асари мазхакавии нависандаи бузурги рус Лев Николаевич Толстой "Араккаши аввалин ё чи тавр шайтонбача ба пуштаки нон мушарраф гашт" бармеояд.


    Манбаи илхом: Куръон, сураи Моида, оятхои 90-91 (5:90-91), сураи Аъроф, оятхои 11-27 (7:11-27), сураи Сод, оятхои 71-85 (38:71-85) ва дигар сурахо.



    5:90 - Ё айюhаллазина оману иннама-ал-хамру вал-майсиру вал-ансабу вал-азлому риjсум-мин-ъамалиш-шайтони фаjтазибуhу лааллакум туфлиhун.

    5:91 - Иннамо юридуш-шайтону ай-юqиhа байнакумул-адовата вал-баgзоъа фил-хамри вал-майсири ва ясуддакум ан зикруллоhи ва анис-салоти фаhал антум мунтаhун.



    5:90 - О вы, которые уверовали! Вино, майсир, жертвенники, стрелы - мерзость из деяния сатаны. Сторонитесь же того, может быть, вы окажетесь счастливыми!

    5:91 - Сатана желает заронить среди вас вражду и ненависть вином и майсиром и отклонить вас от поминания Аллаха и молитвы. Удержитесь ли вы?


    5:90 - Эй онхое, ки имон овардаед! Шароб ва кимор ва бутхо ва гаравбанди бо тирхо палиди ва кори шайтон аст. Аз он пархез кунед, то начот ёбед!

     5:91- Шайтон мехохад бо шаробу кимор миёни Шумо кинаву душмани андозад ва шуморо аз ёди Аллох ва намоз боздорад. Оё худдори намуда метавонед?


Бо номи хазрати Рахмон
Бинмуда огоз накламон,
Аз макри он асхоби нор
Бо "Кул ауз" гирем канор.

Яздони пок, бар махлукон
Танхо ту хасти пуштибон,
Бар мо зи макри он лаин
Худ дех панох, Чонофарин!

Чун меравед бар сайру гашт
Аз Тироз то диёри Ашт,
Бояд зи Сомгор низ гузашт-
Зебомаконе байни дашт,
Зебомаконе, ки будааст
Хамсояи дерини Ашт.

Сомгор бувад дехи кухан,
Халкаш сазовори Ватан.
Ин халки бо мехнат карин,
Рехта аракхои чабин,
Кард дехааш богу чаман
Бо захмату аклу сухан.

Ман коили сомгориён,
Хар як бидонанд ду забон,
Солхои сол дар ин макон
Халки точик бо узбекон
Хамсоя не, чун додаранд,
Гуё, ки аз як модаранд.

Зодаи Сомгори бостон -
Хофизи халки Бобочон*
Бар точикону узбекон
Сар то сари Точикистон,
З-он чумла Пунгазу Шайдон
Хам дар Ашту Камишкургон
Машхур буду махбуб бимонд,
Бо шеъри дилошуб бимонд.

"Икки зулфинг орасида
Ой юзингдур офтоб", - деб,
Ин суруди писандида
Хонда буд у бас дилфиреб.

Ин манзара хоси Сомгор,
Додаст ба дех авчу барор:
Мардум хама машгули кор,
Гулдухтарон дар пахтазор,
Дахмардахо бо молу кол,
Ронандахо дар фикри бор,
Дехконон хамчун пири кор
Тадбирсозанд бекилу кол...

Чандин сол хангоми сафар
Бар дидори модар падар
То дех равам шому сахар
Аз Сомгор мекардам гузар.

Вакти сафархоям ба ман
Хар кас хамешуд хамсухан,
Наклу ривоёти зиёд
Мардум меоварданд ба ёд.

Аз таърихи дехоти худ
Бошавк яке накл менамуд,
Дуюми бо завку хавас
Мегуфт харфе аз боби раз,
В-он дигаре бо чашми тар
Хасрат хамекард аз башар.

Бо хукукшинос аз Пунгаз**,
Марди халиму бегараз,
Оне, ки дар Сомгор шудаст
Донандаи асрори раз,
Рузе хамрох аз дехамон
Бо хамдигар сухбаткунон
Дар боби садхо ину он
Гаштем то Сомгар мо равон...

Боре зи Толстой рафт сухан,
Аз повестхояш, аз роман,
Аз пйесахои рангинаш,
Аз киссахои сангинаш.
Аз он, ки хар як он асар
Бешубха хонанд шохасар,
Хам з-он, ки мондаст човидон
Осори у бар ворисон.

Хеле ачиб дар пйесае
Макри шайтон бикшудааст,
К-аз уву шайтонбачае
Бас шарру кулфат мондааст:
Иблис бо як шумбачааш
Бас носазохо кардааст,
Сирри шаробу сохтанаш
Бар одамон омухтааст,
Бо ин амал як зумра халк
Аз рохи рост дур сохтааст...

Харчанд намудам чустучу
Тарчумаи ин шохасар,
Пайдо нашуд аз хеч кучо,
Гуфтам: "Бубандам худ камар".
Аз ин сабаб дар ин китоб
Тарчумааш дидам савоб.

Тарчумаю асли асар
Харчанд монанди якдигар,
Аммо басо нозукихо
Монданд дур аз чашми мо.

Ту худ, хонандаи доно,
Боре бихон асли варо,
Шукри Худо, ки ин замон
Донем забони дустон -
Дар мардикори точикон
Гуянд сухан бо ин забон.

Аввал бихондам он асар,
Мазмун гирифтам мухтасар.
Пас хафтае бинмуда сарф,
Тарчума кардам харф ба харф.
В-он дам намуд арзи вучуд
Тахтуллафзи тарчумае,
Дорои мазмуне набуд
Чун дур зи мантик номае.

То матнро орам бар низом,
Он порчахоро бомаром,
Дида мадад аз ахли байт,
Бо шеър навистам байт ба байт.

Чанд руз будам машгули кор,
З-он пас намудам ин карор -
То мазмун насозад кас шигифт,
Бояд, ки он бо назм навист.

Пас аз накли мухтасар
Тарчумаи ин шохасар
Манзуратон карда холо,
Маъзур мепурсам аз шумо,
То нуксони ин манзума
Бо чашми нек бинед хама.

Ин аст накли мухтасар,
Ки дур бувад з-асли асар:

Рузе айёми киштукор
Бо шавку хавас дар киштзор,
Карда дуо Парвардигор
Дехконе буд машгули кор.
Руи замин хат мекашид,
Бехад машаккат мекашид,
Чашм пушида, медид якин
Гандум чи сон кад мекашид.
Мекард нидо у бар Худо:
"Ё Раб, ба мо ёри намо!"
Мерехт аракхои чабин
Чакра-чакра руи замин.

Бо аспи худ хар лахза у
Мекард бо нарми гуфтугу:
"Ха, чонварак! Гайрат намо,
Кувват бубахшояд Худо!
У худ бувад мушкилкушо,
Уст Холики Арзу Само!
Шояд, ки бинмояд карам,
Аз галла пур созад гарам..."

Аз кунчи дури он сахро
Шайтоне мепоид варо.
Хар гох, ки номи Хак шунид,
Вучуди Иблис меларзид.

Чун боз шавад зикри Худо,
У бо алам мекард нидо:
"Рузе туро дихам чазо,
Карда аз имонат чудо!
Чун зоти ман хонди палид,
Макри маро хохи чашид,
Бар гуфти ман гуш хохи кард,
Яздон фаромуш хохи кард,
То Хак чу одиён туро
Созад гирифтори бало..."

То ёбад бар касдаш хадаф,
Бодиккат бингашт хар тараф,
Зери дарахт нонпора дид.
Пас худ намуда нопадид,
Дуздид лаин нонпораро,
Махрум бинмуд бечораро
З-он ризке, ки хамрохи худ
Аз хонааш оварда буд...
(Хар нисфируз як пора нон
Буд кути лазизи Дехкон.
Чун он рачим нонро рабуд,
Дигар варо куте набуд).

Хайрон бимонд Дехкон аз ин,
Хурсанди мекард он лаин:
"Бояд Дехкон ояд ба кахр,
Норози гардида зи дахр,
Шояд, ки дашноме дихад,
Бар рохи кач пое нихад..."

Лек Марди кор буд устувор,
Касди лаин нагрифт барор!

Шайтон ба худ хасрат намуд,
Бори дигар гайрат намуд,
То тира созад акли у
Шарманда созад насли у.

Лек Дехкон бо калбу забон
Харф мезад аз руи имон.
Имони комил дошт ба дин,
Нафрат хамекард бар лаин,
Аз некихо мекард умед,
Бинмуда хасмро ноумед.

Чун хилаву макри зиёд
Хеч як натоиче надод,
Шайтони гашта хору зор
Бо сархами шармандавор
Бар назди хешонаш гурехт,
Гар обруе дошт, бирехт!

То чаханнам чун бирасид,
Руи хавли мачлисе дид:
Шайтонкалон дар Раёсат
Харф хамезад аз сиёсат:
"Мо зи оташ, мо зи дудем,
Мо адуввему хасудем,
Аз одами гайри зарар
Чизе надидем мо дигар.
Чун офарид ин гилсиришт,
Моро биронд Хак аз бихишт.
З-он, ки "бимо агвайтани"***
Мо низ намоем душмани.
То ки инсон гирад чазо,
Ботил бисоземаш рачо,
Калбаш ба куфр мо во кунем
В-он дам ба дузах чо кунем.
Хирси одам созем фузун,
То аз бихишт монад бурун,
Бар гуш гирад гуфтори мо,
Такрор намояд кори мо.
Бар хайкалу расму бутон,
Сохта аз онон маъбудон,
Таъзимкунон ширк оварад,
Мушрик шавад, куфр оварад,
Бар гуфти Хак шак оварад,
Хам куфри мутлак оварад.
Бо фахш бигардад у карин,
Оташ парастад дар Замин,
Бинмуда гум аклу хирад,
Махрум шавад аз Охират,
Дур гашта аз имону дин,
Сузад дар оташ у якин..."

Пас ба ангушт печонда риш,
Шуруъ намуд у ба пурсиш,
Хар як шайтоне то кунун
Чанд фард намуд аз дин бурун?
Чанд тоифа бедин шуданд,
Хамрози шаётин шуданд?
Чанд тан фурухт имони худ,
Кард ноумед дустони худ?
Чанд шахс дуруг кард ихтиёр,
Бадбахт бишуд чанд бахтиёр?
Чанд нохалаф нашнохта хеш,
Калбхои ёрон карда реш,
Нешхо бизад чун каждумон,
Берах намуда мардумон?
Чанд кас ба худ магрур бишуд,
Монанди хук дар гур бишуд?

Чун иблисе дихад чавоб,
Зуд менавист у дар китоб,
Хам аз хисоби зиштихо
Афзун хамекард иштихо.

Он як бигуфт, к-имсол ба ман
Мутеъ шуданд сад хазор тан.
Дуюм худро таъриф намуд,
К-имони сад инсон рабуд.
Сеюми гуфт бо карру фар:
"Аз они ман панчсад нафар!"
Пас чоруминаш лаб кушод:
"Сад шахр зи ман омад ба дод".

Гар шайтоне з-авчу барор
Мекард мачлисро хабардор,
Курбоккамонанд як лаин,
Хонда ба хар як офарин,
Мекард дустонашро равон
Бар назди як деги калон,
То дар таги дег хар яке
Хезум гузорад андаке.

Дар каъри он деги калон
Бо дилхарош оху фигон
Миллионхо гунахкорон
Ашки сузон карда равон,
Бо зориву доду фарёд
Мепурсиданд зи Хак имдод...

Шайтони ланги думкашол
Огоз намуд гап аз суол:
- Ки битвонад зи диндорон,
Зи муллову аз имомон,
Аз мударрису олимон,
Ё худ акал толибилмон
Берох намудан як нафар,
Гелонидан ба суи чар?
Пас худ бигуфт бо карру фар,
Дасташ нихода бар камар:
- З-ин тоифа танхо худам
Садхо нафар аз рох задам:
Чанд муллое бо амри ман
Аз гайб хамегуянд сухан,
Фолбин шуданд чанди дигар,
Бинхода дасторе ба сар...

Як толибилм дар байни ом
Мегуфт сухан аз ину он.
Ду-се савол дода ба у,
Гуфтам чавобхояш наку.
Гуфтам, ки уст донотарин,
Уст сохибилми бехтарин,
Дар рохи дин уст босубот,
Лек устодонаш бесавод...
Бишнуда таърифхои ман
В-ин беасос харфхои ман,
Кибру гурури он чавон
Гардид баланд то осмон...

З-он пас хамерафтам мудом
Хар бегохи назди имом,
То бинмоям бар чашми у
Аз муридон касе зиштру...

Ба ин минвол чандин нафар
Гелонидам ман зери чар.

- Эй мухтарам Шайтонкалон,
Арз кард деви миршабон,-
Ту бар ману ёрдамчиён
Фармуда буди як замон,
То з-афсарону миршабон,
Андозчину муфаттишон
Бархеро мо тобеъ кунем,
Бар амри ту мутеъ кунем.
Якчанд нафар кардем гулом,
Акнун онон бар мо мудом
Шогирданду ёрирасон,
Ин руйхати он нокасон,-
Гуфта бидод бо нузу ноз
Руихате дуру дароз
Бар дасти шайтони калон
Бо тамаллук таъзимкунон.

- Ман,-гуфт шайтони козиён,
Кут-куткунон чун мокиён,
- Бар шугли нав бастам миён:
То аклашон бинад зиён
Ман козиёт аз додгари,
Аз додрасию довари
Дур бинмудаму кардам хасис,
Кардам ба молу пул харис.
Акнун худи козикалон
Хоми шуда бар муфтхурон,
Бо хилаву макру дуруг
Махрум намуд халк аз фуруг.
Наздаш равад чабрдидае,
Бечораю афтодае
З-ин дам ба чои довари
У мекунад горатгари...

Пас русиёхи дигаре,
Як бузриши шохбарсаре,
Сечашмаи худ чун харе
Бар даст гирифта дафтаре,
Гуфто, ки сайди ман калон,
Лачом задам бар хокимон.
Аз пора гардонда гани,
Омухтам онон ман-мани.
Хам дастгоху хам котибот
Дур кардам аз сабру сабот.
Бар зиштие чун даст занам,
Осонакак хат мекашам,
Дастгохи хеч хоким кунун
Намегардад аз хат бурун...

Шайтонкалон гардида шод,
Бар иблисон дастур бидод:
" Бояд, ки бехтар кор кунед,
Хирси мардум бедор кунед.
Чун одамон гарданд хасуд,
Хирсшон бисузонад вучуд,
Дархол ба мо моил шаванд,
Бар хукми мо коил шаванд,
Тира гардад руи олам,
Пур гардад з-онон чаханнам!"

Навбат расид ба он шайтон,
 К-у карда буд касди Дехкон.
Бинмуда тар шарвори худ
Аз тарс назди сардори худ,
Ибни шайтон боизтироб
 Бинмуд ба ёронаш хитоб:
"Ман бас бикушидам, вале
Дехкон нашуд гамнок даме.
Харгиз наовард бар забон
Харфе, ки бишканад имон.
Маслихате дихед ба ман,
То афтад у бар доми ман,
Чун бишнавад у номи ман,
Ичро кунад фармони ман".

Аз накли у шайтонкалон
Омад ба рикъат он замон.
Гуфт:"Эй писар, махзун машав,
Орад самар хилае нав.

Бояд, ки аз гандуму раз
Созем гизое пургараз.
Чун бичашад аз он гизо,
Аз акли худ гашта чудо,
Дехкон ба он одат кунад,
Имони худ горат кунад,
Дархол фитад бар доми мо,
Шум гардаду гуломи мо..."

Рузи дигар вакти сахар
Кулохеро карда ба сар,
Шоххо зери кулох пинхон
Дар сурати неке шайтон
Бо максади басе вайрон
Хозир бишуд назди Дехкон.
Боодоб дод бар у салом,
Харфхо бизад бас хушкалом,
В-он Дехконро афсун намуд
Бар хусни худ мафтун намуд.

Чун дид, ки Дехкон нарм бишуд,
Аз хулки у дилгарм бишуд,
Гуфто: "Ман як бечораам,
Бекораму овораам,
Дар ин давру дар ин замон
Дидам ситамхои гарон.
Гар муъмине ёри кунад,
Рахмеву гамхори кунад,
Дар гушае чоям дихад,
Як порае нонам дихад,
Танхо барои чои хуфт
Беминнату бемузду муфт
Хизмат кунам ман рузу шом,
Гашта бар у з-он руз гулом..."

Дехкон бигуфт: "Эй навчавон,
Холи ту будаст бас гарон.
Гар хохи, ту бо мо бимон,
Мехнат куну гамхо бирон,
Бар мо чу як фарзанд бишав,
Бо оли мо пайванд бишав!"
Бо нарми таклифаш намуд,
Бар хон ниход хар он чи буд...

Шайтонбача з-ин шод бишуд,
Таклифи Дехкон хуш намуд.

З-он дам дев шуд хизматгузор,
Кори Дехкон бигрифт "барор".
Аз хар бобу аз хар чихат
Дода ба Дехкон маслихат,
Дев худ ба Дехкон хуш намуд,
Амбор зи галла пур намуд.

Дехкон, ки гашт бехад гани,
Акнун хамекард ман-мани...

Хамрохи ахли хонадон
Карда дуои фарзандон,
Дар кулбаи марди Дехкон
Мезист як пире боимон.

Он кулбаро ин муйсафед
Бино карда бо сад умед,
Мехост, ки бинад дар чахон
Бахти накуи фарзандон.

Дар он кулба аз духтарон
Модари ин марди дехкон,
Ки монда буд бе саробон
Бева гашта бехад чавон,
Хучрае дошту бо писар
Шукр карда умр мебурд ба сар.

Аз синни кудаки Дехкон
Аз бобояш дида эхсон,
Гардид дар он хона калон,
Коро шуду сохибимон.
Дошта дар ёд харфи Куръон
Аз Анкабуту аз Лукмон,
Аз Исроъю ва хам Рахмон
Калбаш пур аз мехри Яздон,
Бо мухаббат ин навчавон
Гироми медошт ачдодон.

Пазируфта панди пирон,
Харчанд, ки буд холо чавон,
Иззатманд гашту бовикор
У бо изни Парвардигор.

Бо хуб нишасту бифахмид
Кадри пирон назди Эзид.
"Хурмати пирон намудан
В-аз чавони нанозидан"
Барвакт фахмид, ки хикмат аст,
Шугли марди бохиммат аст.
Ин хикматест, ки бузургон
Чидаанд аз лафзи Рахмон,
Ин хикматест, ки хакимон
Дидаанд дар харфи Куръон,
Аз ин хикмат назди Яздон
Бокадр мегардад хар инсон,
Ин хикмат аз нури имон
Равшан месозад хонадон,
Ин хикматест, ки одамон
Фарк кунонидаст зи хайвон,
Аз ин хикмат хар навчавон
Пирузи ёбад дар чахон!

Шайтон бифахмид ин замон,
К-авчу барори хонадон
Аз пирамард вобастааст,
У дар ба зиштон бастааст.

Тадбир намуда хасми зишт
Дар калби Дехкон кин бикишт.
Бар чашми вай он Пири Кор
Кард вонамуд чун бадкирдор.
Гуё бобо бар писарон
Будааст бештар мехрубон
Хангоми таксими замин
Карда беинсофи якин,
Гуё ба ами мехтарин
Додаст киштзори бехтарин,
Гуё ба уву духи арон
Бинмудааст чабрхо гарон.

Дар деха он марди Дехкон
Аз чу лай ёру дустон
Чанд рафик дошт: Як амалдор,
Яке дигар буд заминдор,
Сеюмиаш бои пулдор,
Чорум - судхури бас маккор.

Чандин сол боз ин бадбахтон
Дур гашта аз дину имон,
Хамрохи бархе наздикон
Буданд дар банди иблисон.

Рузе Дехкон хабар бинмуд
Рафиконаш ба туи худ.
Нишаста дар сари хонаш,
Намуданд ёру дустонаш
Басе таърифи имонаш,
Факех хонданду пурдонаш,
Заданд харфхо зи эхсонаш,
Фидо гаштанду курбонаш.

Дехкон бишуд хеле шодон
Зи лутфу иззати "дустон".

Гашта миннатдор аз онон,
У низ таъриф бикард эшон...

Зи мизбону зи мехмонон
Мисоли жолаю борон
Биборид таърифе чандон,
К-аз он гардид фалак хайрон.

Пас аз чанд руз он "дустон"
Дар туе сари дастархон
Ба Дехкон бас сано гуфтанд
Ва худро бовафо гуфтанд:
"Моем,-гуфт дархол заминдор,-
Ба ту ёрони вафодор!
Гарчи хурди ту аз моён,
Хурмате дори бепоён.
Дар тую дар базми ширин
Акнун ту дар боло нишин!"

Он амалдор низ пас намонд,
Аз боби аклаш сухан ронд:
"Моро бо аклу гуфторат,
Бо бебокихои кирдорат
Бинмудаи ба худ моил,
Мардум хама ба ту коил!"

Бои пулдор бикшода лаб,
Чунин бинмуда баён матлаб:
"Амсоли ту байни ёрон
Сахие нест дар дехамон.
Чун густури ту дастархон,
Хичил мемонанд дороён!"

В-он судхури басо маккор
Макру хила бурда ба кор,
Гуфт: "Мислат нест хеч сарватдор,
Бояд ба мо шави сардор!"

Дар калби Дехкон ин "дустон",
Гашта хамоханги шайтон,
Кибру гурур чо намуданд,
Аклашро бечо намуданд.

Он навчавон гашта магрур,
Аз фикри солим шуда дур,
Ба бобояш аз он замон
Намуд бехурмати чандон,
К-аз ин бехад шуда шодон
Сано мегуфт ба у шайтон.

Ба он бобои бечора,
Ки зишти медид хамвора
Зи хешу хам зи бегона,
Чаханнам гашта буд хона...

Шайтон бошад, кувват гирифт,
Бар макри нав навбат гирифт.
Чун кави гашт уро маком,
Омухтани коре харом
Дар назди худ максад гузошт,
Дехкон дигар парво надошт.

Аз гандум тайёр кард шароб,
Имони Дехкон кард хароб.
Нушиданаш одат кунонд,
Бар дини Хак мурдат кунонд.

Калби Дехкон гашт сайди разм,
Бар чои рахм пур шуд зи хашм.

Хуллас, ки шайтон, алхазар,
Чони Дехкон монд дар хатар.

Дехкон гашта дур аз имон,
Шуд пойбанди макри шайтон -
Чун Азозил, гарчи аз гил,
Махрум аз дил, дур зи манзил,
Чон зи тан дур, сурат нуфур,
Мисли каждум пур аз зухур,
Бар хилофи аклу мантик
Дар мухаббат шуд чу зиндик.

Иблис ба худ болид басо
З-он, ки Дехконро кард расво:
Бинмуда у бар худ карин,
Дур кард варо з-ахкоми дин.
Пас гуфт: "Надорам ман оху"****
Бонг зад: "Ано хайрун минху!"*****

Харгиз нашуд шайтон холис,
"Ано хайрун" кавли Иблис.
Кибру куфру макри шайтон,
К-аз паяш рафт марди Дехкон,
Рохи ростро бар у бубаст,
Дод у имонашро зи даст.


Чун ёфт ин дам хусни анчом
Кисме з-ин накли бефарчом,
Додам саволе ман ба худ:
"Оё ин накл акле фузуд?"

Ин кисса  бахри ибрат аст,
Бар макри зиштон нафрат аст.
Бо нек нишин, зишт дур намо,
В-аз некихо кишт пур намо!

Хар гох куни огози кор,
З-анчоми он андеша дор,
Бо "Кул ауз" огоз бикун,
То корхоят шаванд "хайрун".


________________________

* Бобочон Шамсиев - артисти номдори чумхурии Точикистон, огози фаъолияташ якчанд сол мудири хонаи маданияти нохияи Ашт буд ва хамон солхо газали Абдурахмони Чомиро, ки матлааш "Эй лабат пурхандаву чашми сиёхат масти хоб, Икки зулфинг орасида ой юзинг дур офтоб" аст, ба оханг дароварда, суруда буд.

** Мамадчонов Неъматчони Пунгази шахрванди фахрии Сомгор аст.

*** (Парвардигоро, ба сабаби он, ки) маро гумрох карди..., ниг. Куръон, сураи Аъроф, ояти 16 (7:16) ва низ сураи Хичр (15:39).

**** Оху - айб, нуксон, хато.

***** "Ман аз у бехтарам", ниг. Куръон, сураи Сод, ояти 76 (39:76).



    Ин асар соли 2008 навишта шуда, соли 2010 дар китоби ман бо номи "Некхохи пеша кун" чоп гардидааст. Сах.21-40. Дар китоби номбурда тарчумаи пйесаи Л.Н.Толстой ба забони точики низ дарч шудааст. Сах.41-63.