ЧИ БУБАЙРИЗ
Жагъайт1а заз бахт дуьньядал,
За квез виридаз хабарда,
Чи бубайрин пак бинедал,
Рик1ивайни дамахарда.
Къизил лугьуз гьа чилериз,
Камар вегьей чи бубайри,
Ван атайди хьиз эвериз,
Гьай лугьуда заз дагълари.
Амайди я ванер гьана,
Дагъди синел рахайбурун.
-Килиг, зи ц1е аван гьана? -
Ван хьайид я лагьайбурун.
И дагъдилай а дагъдалди,
Рехъ жагъуриз алахъайбур,
Чипин чандин зегьметдалди,
Гизаф крар алакьайбур.
Гьайиф я заз вахтар фейи,
Фикир хьана рик1ер кайи,
Хьурер хьайи, к1валер хьайи,
Лезги намус вине хвейи.
На лезгинском языке
© Copyright: Сельмина Курабекова, 2025
Свидетельство о публикации №125033107522
Свидетельство о публикации №125033107522
Рецензии