Псалом Давиду 17

Возлюблю Тя Господи, крепосте моя.
Господь утверждение мое, и прибежище
мое, и Избавитель мой, Бог мой,Помощник
мой, и уповаю на Него, Защититель мой,
рог спасения моего, и Заступник мой. Хваля
призову Господа и от враг моих спасуся.
Одержаша мя болезни смертныя, и потоцы
беззакония смятоша мя, болезни адовы обыдоша
мя, предвариша мя сети смертная. И внегда
скорбети ми, призвах Господа, и к Богу моему
воззвах: услыша от храма святаго Своего глас
мой, и вопль мой пред Ним внидет во уши Его. И
подвижеся, и трепетна бысть земля, и основания
гор смятошася и подвигошася, яко прогневася на ня
Бог. Взыде дым гневом Его, и огнь от лица Его воспла-
менится, углие возгореся от Него. И приклони небеса,
и сниде, и мрак под ногама Его. И взыде на Херувимы, и
лете, лете на крилу ветреню. И положи тьму закров Свой,
окрест Его селение Его, темна вода во облацех воздушных.
От блистания пред Ним облацы проидоша, град и углие огнен-
ное. И возгреме с Небесе Господь и Вышний даде глас Свой.
Низпосла стрелы и разгна я, и молнии умножи и смяте я. И
явишася иточницы воднии, и открышася основания вселенныя,
от запрещения Твоег, Господи, от дохновения духа гнева Твоего.
Низпосла с высоты, и прият мя, восприят мя от вод многих.
Избавит мя от врагов моих сильных и от ненавидящих мя, яко
утвердишася паче мене. Предвариша мя в день озлобления моего, и
бысть Господь утверждение мое. И изведе мя на широту, избавит мя,
яко восхоте мя. И воздаст ми Господь по правде моей и по чистоте
руку моею воздаст ми. Яко сохраних пути Господни и не чествовах от
Бога моего. Яко вся судьбы Его предо мною и оправдания Его не отсту-
ступиша от мене. И буду непорочен с Ним, и сохранюся от беззакония
моего. И воздаст ми Господь по правде моей и по чистоте руку моею
пред очима Его. С преподобным преподобным будеши, и с мужем не повин-
ным неповинен будеши, и со избранным избран будеши, и со строптивым
развратишися. Яко Ты люди смиренныя спасеши и очи гордых смириши. Яко
Ты просветиши светильник мой, Господи, Боже мой, просветиши тьму мою.
Яко Тобою избавлюся от искушения и Богом моим прейду стену. Бог мой, непорочен путь Его, словеса Господня ражжена, Защититель есть всех уповающих на Него.
Яко кто Бог, разве Господа? Или кто Бог, разве Бога нашего? Пожену враги моя,
и постигну я, и не возвращуся дондеже скончаются, Оскорблю их, и не возмогут
стати, падут под могама моима. И препоясал мя еси силою на брань, спял еси вся
востающая на мя под мя. И врагов моих дал ми еси хребет, и ненавидящия мя потре-
бил еси. Воззваша, и не бе спасаяй: ко Господу, и не услыша их. И истню я яко
прах пред лицем ветра, яко брение путей поглажду я. Избавиши мя от пререкания
людей, поставиши мя во главу языков. Людие, ихже неведех, работаша ми. В слух
уха послушаша мя. Сынове чуждии солгаша ми. Сынове чуждии обетшаша и охромоша от
стезь своих. Жив Господь, и благословен Бог, и да вознесется Бог спасения моего.
Бог даяй отмщение мне м покоривый люди под мя. Избавитель мой от враг моих гнев-
ливых, от востающих на мя вознесеши мя, от мужа неправедна збавиши мя. Сего ради
исповемся Тебе во языцех, Господи, и имени Твоему пою: величай спасения царева, итворяй милость Христу Своему Давиду, и семени его до века.

Слава Отцу и Сыну и Святому Духу и ныне и присно и
во веки веков Аминь