ВИ РУШ Я ЗУН
Ванни амач, чанни амач бубадин,
Амайбур заз зи вилерин накъвар я,
Гила ви к1вал са сур хьана накьвадин,
Вун амачир дуьнья вири заз дар я..
Кайи рик1ер пара ава дуьньядал,
Гьардаз вичин дерт залам яз аквада,
Кас жегъидач заз бубадин чкадал,
Дах лагьана мад нихъ галаз рахада.
Хана, кьена лагьай кьве гаф амукьна,
Ви т1вар алай са сур я заз амайди
Ц1ай лапандин гуьлле захъни галукьна,
Ви руш я зун, сурал шехьиз атайди...
Зи бубадиз
© Copyright: Сельмина Курабекова, 2025
Свидетельство о публикации №125032703896
Свидетельство о публикации №125032703896
Рецензии