Гьикьван хьурай вал вил алаз,
Я аквазмач, я рахазмач,
Рекье хьанай са вун галаз,
Куь хуьруьн заз рехъни чизмач.
Чубарук хьиз вун хъуьредай,
Алк1ана зал ч1улав вилер,
Марал хьиз вун тек къекъведай,
Заз тавар гуз, тежез эвер.
Мад мус жеда вун чаз мугьман,
Руг акъудиз хуьруьн рекьяй,
Мурад я зи, яр, вун акун,
Акъатдач гьич вун зи рик1яй.
Лугьун зв ваз,тавуна таб,
Рик1ин къене к1вал авур яр,
Эгер вуна гайит1а яб,
Зун бахтлу я-вакай кьур яр.
Рик1 акъатда вун аквадалд,
Ширин мецелд вав рахадалд,
Кьуразва рик1 вун хуькведалд,
Хуьруьн шагьвар вав къугъвадалд.
23.03.2025.
Вал вил алаз
© Copyright: Нажмудин Шихнабиев 2, 2025
Свидетельство о публикации №125032305846
Свидетельство о публикации №125032305846
Рецензии