Сегьер-сегьер ачухайла вилериз,
Мягьтел хьана, акурд экуьн яр хьана.
Фикир гайла т1ебиатдин сирериз,
Лацу чарчел авахьзава, ц1ар хьана.
Гъил къачу варз, къе дуствиляй ат1анвай:
Бат1ул марал милайим я, цуьк хьтин.
За вуч ийин: зи хур адав ац1анва,
Багьа я заз амни, жуван рик1 хьтин.
Мад бат1ул яз гуьрчекдаказ сегьерар
Кк1уьрайдан, акунрал зун къах хьана.
Илгьамд ялав авахьзавай вилерай,
Заз акурди асулдин дамах хьана.
Чарадан гьисс къугъурзавай, чуьнгуьр хьиз,
Гаф авача гуьзелвилиз маралдин.
Ширин рахун, руьгьди к1алуб суьгьуьр хьиз,
Вилик гъана ч1агурзава хиялди.
Гъил къачу варз
© Copyright: Магомед Мирзоев Мирзой, 2025
Свидетельство о публикации №125032204598
Свидетельство о публикации №125032204598
Рецензии