Къенин йикъан регьимди заз чан ганач,
Секиндаказ физамач мад ахвариз.
Я зун галай патахъ ада ян ганач,
Хабар хьайла гьисеркайни гъуцариз.
Милайим кас себеб хьана, зи чанда,
Шириндаказ гьисерин гум къугъвазва.
Цуьквер кьула къекъвезва зун бустанда,
Беневшадив сефилдаказ рахазва.
Лугьузва за: "Беневша, вун гуьзел я:
Ви патав за архайиндиз зверзава.
Са геренда руш килигун ц1игел я:
Къайивили рик1ел агъур херзава.
Лугьузва мад, чан рик1 ийиз хъуькъвериз,
- Ви патав ам атайла хушбахт хьана,
Темен цей на адан назик гъилериз,
Зи ашкъидин гел амукьуй, хат хьана".
Замзамди яд масадбуруз герек я:
Гьар бендедиз авайди са азар я.
Ширин аваз булахдин заз куьмек я:
К1ани рушан манидиз ам ухшар я.
Зи ашкъидин гел амукьуй...
© Copyright: Магомед Мирзоев Мирзой, 2025
Свидетельство о публикации №125031706597
Свидетельство о публикации №125031706597
Рецензии