АЬТТУВБАЙНАЧУН ЛОТКЪАМ Мустафа Ганижев
К1ордадаьд дакъа вахар, товра дац,
Дезац ер кхы ла, сина докъазал.
Доладаьчох кхоачар м1арг мара бац,
Доккха г1улакха-м я берза 1азал.
Ди дац, низ бац е аьттув бац в1алла,
Лохера, к1оагачур хьалхьажара.
Со ва-кха белха ка йихка мела,
Даим аьттув согар д1абадара.
Ванаг1, фуд аз иштта вахаш ца дер?
Хьалишка долаш, да дезар ца гуш.
Цхьа докъазал я-кха аз лелаер,
Ваха г1ертача, наькъа сецавеш.
Ванаг1а корта бац са дар довза?
Х1ана вувла со г1алат, дар ца гуш?
Х1ано баьккхар бахаб сох х1анза,
Даьла къахетам байна ца могаш.
Се бехке вале, со ва-кха бехке
Тоавала, нийссвала сайгар кхела.
Цу моча вахара туг тох даькъе,
Дайна ираза, виж каша веле...
Далла духьала, фу дергда ховре,
Хала дацар укха дунех къаста.
Хаттарашта кийчала могаре,
Халадацар докккх са даккха х1аьта!
... 10. 03. 2025 ш.
Аьттувбайначун лоткъам мустафа ганижев
© Copyright: Мустафа Ганижев, 2025
Свидетельство о публикации №125031706179
Свидетельство о публикации №125031706179
Рецензии