Молитва Богородице

Пречистая Владычице Богородице!
Вем, яко аз сквернав и нечист, и
недостоин есмь, и всякого греха
исполнен есмь. Сего ради, яко повин -
ный, со многим стыдом и со слезами
вопию Ти, Владычице моя Богородице;
помилуй мя и помози ми, и утеши мя
недостойного раба Твоего (имя).
Мати всякия утехи, Сына Твоего и Бога
нашего молити не престай, яко грешная
и окаянная моя душа сниде во глубину
зол. Аз же, грешный и нечистый, помыш -
ляя о прежних и нынешних своих гресех,
рех: несть злобы никоея, еяже аз, ока -
янный, не сотворих. Того ради ужасаюся и
боюся Сына Твоего и Бога моего и правед -
ного Его судища. Тем же с сокрушенным
сердцем и со слезами вопию Ти: умилосер -
дися, Владычице моя Богородице, помилуй мя,
самовластным умом приступившаго оправдания
и повеления Сына Твоего и Бога моего. Не
остави мя погибнути в моих греховных сквернах
и обычаях, но посли на мя милости Твоя богатыя.
Ты бо еси милосердия и милости Мати, не презри
мя гибнущаго, но обрати мя и исторгни мя из
тины греховныя, якоже древле Сын Твой исторг
блудницу, блудного сына и мытаря. Даруй ми
источник слез и омый скверну грехов моих. Не
отрини мене, не гнушайся мене, сквернаго, но
водами щедрот Твоих угаси изгоревшую напастьми
душу мою, избави мя пламени бесовского обдер -
жания и от лаяния их исхити мя, да вижду Тя,
отгоняющию от мене во время отшествия моего
темноличных бесов, предавши мя благим светлолич-
ным ликом святых Ангелов. Ты бо еси, Богородице,
грешником спасение, отчаянным заступление и обра-
щение, печальным утехо. Тебе бо Сын Твой, Бог наш,
дарова Ходатаицу нам, призывающим Тя от всего
сердца. Спаси мя, Пресвятая Богородице, недостой-
ного раба (имя), ради милости Сына Твоего и Бога нашего,
аминь.