Р-диз
Хутахна патай гъай свасари,
Гъурбатда ава ви багърияр.
Свасар туш гъайибур ксари -
Итимар чуьнуьхай угърияр
Вун фидай пад течиз амукьна,
"Хуьруьн руш к1ан хьайи япалух".
Тухумдин векил яз ацукьна,
Бубайрин къул хуьзвай "къаралух".
Фикирмир садани аси я.
Шукур хьуй, манкуртдиз элкъвенач.
Вун жуван кьисметдал рази я,
Патарал бахтарихъ гелкъвенач.
На Аллагь лагьанач манатриз.
Гуьгъуьна тахьайди девлетрин.
Алахъна рехъ дагуз гъалат|риз.
Лук| хьана дагъвийрин адетрин.
Алк1урай тагъма хьиз ви пелел
"Хуьруьн хва"лагьай т1вар хвена на,
Бахтавар хьаначт1ан и чилел
Бубайрин кеспи-кар хвена на !
Хутахна...
© Copyright: Сейфудин Шахпазов, 2025
Свидетельство о публикации №125030507664
Свидетельство о публикации №125030507664
Рецензии