Рик1 ц1уруриз, яраб ина вуч хьана?
Килигайла, садазни ухшар тушир.
Гьатна жуван ракьара зун, гъуьрч хьана,
И кардикай зазни гьич хабар тушир.
Гуьрчек либас алук1на вун тавдава,
Ч1угвазва зи вилер вичел, ви танди.
Килигар кьван зи хур лап ялавдава,
Ялавдикай хабар авач гьейрандиз.
Муьт1уьгъарда ашкъиди, илгьам гана,
Амма вучиз илгьамди зун лалнава?
Гьик1 жедани, за икьван давам гана:
Мез кьуразва, рик1ихъ галаз къалнава.
Рик1 багъишиз к1ан хьайила гуьзелдиз,
Гьатнава зун муьгьуьбатдин кеменда.
Элкъвез элкъвез вилерин нур са хьелдиз,
Ялав хьана, мад ак1узва беденда.
Рик1 ц1уруриз
© Copyright: Магомед Мирзоев Мирзой, 2025
Свидетельство о публикации №125030404046
Свидетельство о публикации №125030404046
Рецензии