Акуна заз гуьзел суна,
Махарик квай гьуьруьпери,
Сегьнедин тир устад вуна,
Сустарна хьи эллер вири.
Халис лезги т1вар алайди,
Экъеч1айла сегьнед кьулал,
Темягь физва зар алайди,
Мягьтел жезва зунни жувал.
Амачир захъ фадлай и гьисс,
Ашкъидин ц1ай гьатна рик1е,
Къвердавай гьал жезва зи пис,
Экъеч1на гуьл мух цай ник1е.
Дерин я зи руьгьдин дегьне,
Чуьнуьхдай вун сир ава заз,
Амач адет - хьанва куьгьне,
Анжах рик1е на гузва наз
Т1вар кьадач за - аян я ваз,
Давам ая манид аваз,
Гафар лагь и - мани жуваз,
За яб гуда, гьиссер къугъваз.
28.02.2025.
Акуна заз гуьзел суна
© Copyright: Нажмудин Шихнабиев 2, 2025
Свидетельство о публикации №125022802841
Свидетельство о публикации №125022802841
Рецензии