Са вун я

ВИРИ ВУН Я.
;;;;;;
Вун са гъед яни цавун
Аватна жагъай заз,
Гъилерал хуьда за вун,
Рик1ин цуьк хьиз акваз.
Сад я, сад я, сад я вун,
И ч1ехи дуьньядал,
Бахт авай инсан я зун,
Гьалтай к1ани ярдал.
;;;;;;

Заз акурла ви вилер
Ац1анвай нурари,
Акурди хьиз заз гъетер,
Нур ганай цавари.
Зун дуьнедал вун патал
Вун патал алат1а,
Зун вил алаз авай вал,
Вун гьина авайт1а?
;;;;;;
ПРИПЕВ
Вун зи бахтни, зи дамахни,
Заз авай са вун я, вун.
Вун зи варзни, вун зи рагъни,.
Вири вун я, вун я вун.
Муьгьуьбатди лувар гана
Уьмуьрдикай багъ хьурай,
Гьар са югъни сувар хьана,
Кьилел чими рагъ хьурай.

;;;;;;
Ви яргъи ч1улав ч1арар
Абур я рушарин,
Мулдин цуьквер я ухшар,
Заз к1ан хьайи ярдин.
Жейранди хьиз кьуьл ийиз,
Ийизва дамахар,
Зи патаз килиг тийиз,
Сефилармир гьалар.
;;;;;;
Жедачни бес гъед закай,
Вун патав атайла,
Дагъларин абур алай,
Гада зав рахайла.
Сад я, сад я, сад я вун
Заз акур иерди,
И дуьнядал шад я зун,
Вуна зи гъил кьурди.
    Селминат Курабекова

Песню на эти слова исполняет группа ЛЕЗГИНКА.