Гьинва намус,эдеб, гъейрат,
Кьинер гьинва шиирра кхьей,
Вижданни ви хьанан хейрат,
Амани зун гьич фикирра!?
Алцурарна шумуд яраб,
Кабабнат1а зун хьиз вуна,
Беденни руьгь авур харап1,
Хъуьрез "Фатягь" лагь гил жува.
Кьадар-кьисмет хьанайт1а чир,
Кьадачир хьи ви кьил эвел,
Саймазвилин хьанай вун п1ир,
Ви т1вар алаз югъ-йиф мецел.
Зи квез тир гьал тежер балк1ан,
Гила ама гьайиф ч1угваз,
Жувазни жув хьана дак1ан,
Дуьнья к1амач ерли акваз.
Гьа им тир жал худади кхьейд,
Алк1урайди ачух пелел,
Нихъ ва вучиз тирт1а къекъвейд,
Тагъма алаз бахтун кьилел.
Амач,амач гьахъвал чилел,
Цаварални я адалат,
Дуьньядин к1ан хьана винел,
Ахквада жал мад аламат...
26.02.2025.
Аквада жал мад аламат
© Copyright: Нажмудин Шихнабиев 2, 2025
Свидетельство о публикации №125022608537
Свидетельство о публикации №125022608537
Рецензии