Лезги халкь сад хьун мурад я зи,
Ч1ални сад жен михьи къизил-
Милливал чи хуьдай гуьзгуь-
Рахаз чун чав ч1алал кьезил.
Герек туш яд уьлкведин ч1ал,
Жуван ч1ал хуьн, чан леззгияр.
Хъуьрез тахьуй ягъияр чал,
Лезгивал хуьх, чан лезгияр.
Ч1ал ватан я-ассиррин к1ук1,
Шалбуз дагь я хуьзвай чи халкь.
Хкахь тавуй гьич са гаф-ц1ук1,
Акат тавуй виждандик лак1.
Зат1ни к1андач мад зи рик1из,
Алпан гафаралд чеб тир нукьсан,
К1анзава ч1ал лезги рекьиз,
Барбат1 тавуй зи ч1ал масан.
Зат1ни к1андач и дуьньяда,
Садвал хьуй чи халкьдихъ мягькем.
Шииррин гьар ц1ар эвяда-
Илгьамди хци авуй къелем.
23.02.2025.
Мад зат1ни к1андач
© Copyright: Нажмудин Шихнабиев 2, 2025
Свидетельство о публикации №125022406717
Свидетельство о публикации №125022406717
Рецензии