Кече сайын сыртха чыгъама

Карачаево-балкарский язык


Кече сайын сыртха чыгъама,
Чууакъ кёкде джулдуз сайлайма.
Не излесем да, не сайласамда,
Сенича джарыкъ чырт табмайма.

Табигъат эркеси, - гокка ханслалла,
Бир биринден сейир ала чагъалла.
Эрке болсалада, сейир чакъсалада,
Сени нёрюнгден муал болалла.

Чегет бийчеле - субай наратлалла,
Субайлыкълары бла кёз байлайла.
Субай болсалада, кёз байласалада,
Назик санларынгдан артха къалалла.

Якъут, налмаз - сыйлы ташлалла,
Дуния башында  багъалылалла.
Сыйлы болсалада, бек джылтырасалада,
Кёзлеринг бла сыналсала - ала мутхузлалла.

Чууакъ кёкде къара къушла учалла, 
 Мийик чыгъа къанат джаялла.
Мийик учсалада, къанат джайсалада,
Сени къашларынг, ол къушладан къаралла.

Бугъойладан таза суула саркъалла,
Къая ыранладан толкъунлаб агъалла.
Мийикден ала саркъсалада, толкъун, толкъун акъсалада,
Сени чачларынга, сукъланнганлай туралла.

Кёбден бери мен джашайма,
Таулу къызлагъа сынаб къарайма.
Кёб джашасамда, бек сынасамда,
Сенича ариу чырт табмайма