Назбіраю жыццёвых каменьчыкаў
І збудую маленечкі дом.
Запалю ў ім пячурку агеньчыкам,
За пісьмовым прысяду сталом:
Намалюю вясёлкавых буслікаў,
Неабсяжны нябёсаў прастор
Ды паўсюль брошу кветачкі- бусінкі -
Незвычайны і ўрачысты ўзор!
Усміхнецца мне сонца ласкавае,
Зажужжыць дзесьці пчолка - на гук
Я паклікаю раніцу з каваю,
Мітуслівых спыню будняў круг.
Напітаюся пахам багульніка
Пагляджу на суседавы дах:
Прывітанне, сваяк! Як утульненька!
Запрашай на сняданак, дзівак!
***
© Copyright: Алёна Халев, 2025
Свидетельство о публикации №125021705313
Свидетельство о публикации №125021705313
Рецензии