Карачаево-Балкарский язык
Суратынгы берсенг а ариучугъум саугъагъа,
Джюрютюрча аны мен, хаман джанымда.
Джюрегиме къысыб, салыб къойнума,
Биргеме турурча сен, кечеси, кюню да.
Огъай десенг, саллыкъса, от мени джаныма,
Къуурлукъса джюрегими,къызгъан табада.
Джюрек джауум чырылдаб, терк чачырарыкъды,
Отха тюшюб, къабыныб, джилтинлеб джанарыкъды.
Берсенг а ариучугъум, суратынгы саугъагъа...
Джюрек джарадан, тыйылмайын, къан чартлайд,
Аны тыйарча, дунияда, джангыз бир мадар бард.
Суратчыгъынгы салгъанлайма, джюрегиме, джаныма,
Сау этерикди джарасын, джан кийириб ызына.
Берсенг а ариучугъум, суратынгы саугъагъа...
Суратынгы берсенг а ариучугъум саугъагъа
© Copyright: Магомед Боташев, 2025
Свидетельство о публикации №125021305697
Свидетельство о публикации №125021305697
Рецензии