Санал жеда. Песня

САНАЛ ЖЕДА

К1анивили кайибуруз
Дердерикай  вуч лугьун,
Жедач завай белки лугьуз,
Са бахт гайи кас я зун.
Шадвал авайла рик1ера,
Дуьнья экуь жедачни,
Накъвар аваз зи вилера,
Бахт акурла, шедачни?

ОН
За ви пенжер гатана
Бахтунин нур авай
Атана зун атана,
Яр жеда заз вакай.
Гьамиша вун рик1евай
Закай ашукь хьана,
Гъетер гъида ваз цавай,
Зазни яр лагь вуна.

ОНА
Вуна гайи гъетерин
Нурар  рахана зав,
Ви фикир тирди дерин
Агудна са ялав.
Вакай зи яр хьайила,
Дамах жеда вун зи,
Рик1е бахтар хьайила,
Сефилвал катда зи.

ПРИПЕВ
Цаваривай къакъудда вун,
Акатна рик1ик лувар,
Санал жеда гьамиша чун,
Чан зи рик1из к1ани яр
Вун заз авай нефес хьана,
Цаварални чилерал,
Рахаз завай тежез хьана,
Хьайила завай яргъал.

ОН
Цуькверив рахаз чидай
Вун са марал яни,
К1анивилин дад гудай
Зи рик1ин т1ал яни.
Са сефер килигна заз,
Зи рик1е т1ал туна,
Ви вилер акурла заз,
К1анивал акуна.

ОНА
Арада аваз гьуьлер,
Яргъал хьайит1а вун,
Санал жеда чи рик1ер,
Вил алаз жеда зун .
Дарман хьана сад садан
Уьмуьр са багъ жеда,
Вакайни к1ани инсан,
Зи патав рагъ жеда.

Песню исполняет музыкальная лезгинская
Группа САМУР.