Сагъышла
Эки кере миллетибиз
Жокъ чегине жетгенде,
Эрте, Орта ёмюрде,
Акъсакъ Темир келгенде.
Андан сора халкъыбызны
Жеринден кёчюргенде!
Ачлыкъ сынап сюргюнде
Къыйынлыкъла кёргенде.
Бюгюлмеди, сынмады,
Бурун тилин сакълады
Таурухлада, жырлада,
Тойлада, оюнлада.
Жашайбыз бюгюн кюнледе
Биз кеси жерибизде,
Алай къоркъуу Келди бизге,
Эрттегили тилибизге.
Жокъду даууум кишиге,
Башха уллу миллетлеге,
Жашасынла жер юсюнде
Бир бирге намыс бере.
Соруу сорама кесиме,
Ызы бла уа миллетиме,
Хорлатмайын башха тилге,
Сёлешейик тилибизде!
© Copyright: Алий Чеченов, 2025
Свидетельство о публикации №125021101245
Свидетельство о публикации №125021101245
Рецензии