Кесиб Керим

 
Хехуьн зурба са тар авай гьаятда,
Адан к1аник ацукьдай ам галатна.

Чанта-чанта к1ват1 ийидай емишар,
Недайдахъ галаз ийидай дигишар.

Девлетрилайни тар адаз багьа тир:
Кесибвилин ам зурба са дава тир.

Каш такуна кьуразавай бедендиз,
Немумкин я регьятвал гун ц1екенди.

Адан дарман к1вале ава, синеллай-
Йифди адан т1вар Кериман мецелла.

Вуч авурай фагъир, етим гадади,               
 Бахтсузвиляй, хура авай сузадин.
 
 Садазни вич ахмакьдаказ аквадач:               
 Акьулдивни барамбар яз рахада.
 
 Куьз бат1ул я п1еркьидаказ хайиди:               
 Зат1ни авач кьисметдилай къайиди.               
 
 Бахтунин чип акъатайдаз, гьалал хьуй,               
 Муькуьбуруз, ам акъуддай мажал хьуй.               

 Вучиз идан акьул-камал кьезил я               
 Белки адан келледавайд зибибл я               

 Рик1 аладриз ацукьнавайлани, динж яз,               
 Шит фикирар къведа гьасят надинж яз.               
 
 Залан ашкъи таъсир хьайла фикирдиз,               
 Са йифиз ахвар акуна фагъирдиз.               

 Са гададихъ авай рик1из к1ани яр               
 Сувал алай кьведни лугьуз манияр.               

 Гадад хурал алайди са рахъам тир               
 Руш лагьайт1а буй-бухахдиз т1арам тир.               

 Фикир фагьум авуна гил Керрима               
 Вичиз к1ани алат язва гьа има.               

 Ингье йифиз ахварикай кватна               
 Таран патав къалаблух кваз акъатна.