Мулдин цуьквер, мулдин цуьквер,
Ажеб жеда куьнни иер.
Гурчегарна рушан къужах,
Атир чик1из гьар са патахъ.
Гуьрчег хьанва гатфар бере,
Рушни къекъвез багъдин кьиле,
На лугьуди, рушни я цуьк,
Ихьтин рушар жеда тек-туьк.
Шагьварди атир хуьруьз,
Чук1урзава гьар са к1вализ,
Жегьил рик1ер циц1и ийиз,
Ц1ийи гьиссер къизгъин ийиз.
Мулдин цуьквер, мулдин цуьквер.
Квел гьейран я рушан вилер,
Ни гудат1а яраб эвер,
Ваз багъишиз мулдин цуьквер.
Жуьгьенар хьуй ц1ай галачир,
Чипиз гьич мад тай авачир.
Гьар жегьилдин рик1е аваз,
Цуьквер хьурай рекье аваз.
06.02.2025.
Мулдин цуьквер
© Copyright: Нажмудин Шихнабиев 2, 2025
Свидетельство о публикации №125020606711
Свидетельство о публикации №125020606711
Рецензии
