РАДАСЦЬ
леанід ПРАНЧАК
Застанься, радасць дзён шчаслiвых,
Хоць дождж, хоць дым
Бягуць, спяшаюцца iмклiва
Мае гады.
Праз недарэчнасцi i смутак
Адходзяць прэч.
Застанься, свежасць незабудак,
Цяплом сустрэч.
Хоць свет ліхі i мiтуслiвы,
Я ўсё цярплю.
Застанься, яснасць дзён шчаслiвых,
Бо я люблю.
Гляджу з акна на снег счарнелы.
І смех і грэх,
Я не забыў, якім ён белым
Быў гэты снег.
13.02.2022
Радасць
© Copyright: Леонид Пранчак, 2025
Свидетельство о публикации №125020505108
Свидетельство о публикации №125020505108
Рецензии