Диде-чилел сифте кьадам къачурди,
Дуьняд винел сифте илгьам акурди,
Чи уьлметдиз сифте салам авурди,
Гьелбетда чи виридан кьил буба я!
Гьикьван хана дидейри мерд рухваяр,
Хкаж хьанвай цавуз, туна убаяр,
Чахъ азадвал хьун тир абрун тубаяр,
Гьелбетда чи виридан кьил буба я!
Гьар бубадихъ вичин пеше, кар ава,
Гьар бубадихъ вичин намус, т1вар ава,
Гьар бубадихъ вичин кьет1ен ц1ар ава,
Гьелбетда чи виридан кьил буба я!
Пакад йикъак кутаз умуд, секинвал,
Зегьмет залан, ава зигьин, йигинвал,
Азан гудай ажеб сесин ширинвал,
Гьелбетда чи виридан кьил буба я!
Гьардахъ вичин гьахъ, дуванни сан ава,
Гьардахъ вичин дамах, иви, чан ава,
Гьардахъ руьгьдиз эмирзавай ван ава,
Гьелбетда чи виридан кьил буба я!
Секина. Виридан кьил буба я
© Copyright: Магомед Мирзоев Мирзой, 2025
Свидетельство о публикации №125020408394
Свидетельство о публикации №125020408394
Рецензии