За зи вилер акьалда, акуртуш лугьуз,
Гафарин ван атайла, хьайид туш лугьуз,
Эх жезмайкьван рик1ивай, хуьда т1ал къене,
Пар амукьда гафарин, лагьайкьван куьне.
А гафарин жавабни гудай югъ къведа,
Гьина аваз хьайит1ан, зун квел хъуьреда,
Амма рик1из гьик1 лугьун, лампа хьиз хайи,
Гафарин залам виляй, рик1из ван хьайи.
Гафуникай къван жеда, акьадай рик1е,
Мецелай алатайла, пар хьана еке,
Талагьайт1а ахъатда къваларайни ам
Авачир гаф лагьайдаз я ч1ехи гьарам.
Ванер
© Copyright: Сельмина Курабекова, 2025
Свидетельство о публикации №125020407370
Свидетельство о публикации №125020407370
Рецензии