Рухс Дуне

Хацырты Сергийы номараен

Нае Рухс Дуне дары йае дыуаерттае гомаей,-
Фаелае дзы чи снаемы заердаеваендон фаед.
Маенг кад-мае- иу ма баелл дае фыдаелты номаей
Фаелтаерд лаегау стад уаед дае хъуыды дае фаенд.
Маенмае даер, а дунейае, нае фаеци нае хонаег,
Фаелае йыл санчъехгай фаелваердтон цаеуын.
Цы уыди мае мидзаерды, чи йын уыд зонаег,
Куы стыдта мае хъуыраей мае зараег- каеуын.
Мае зарджыты рифтаг куы рбастон мае ронмае,
Цаелхъзардаей-хъырнгаейае сае уд уыд раевдыд.
Фыссаегмае сае рхастонаез иубон таерхонмае,
Хацырон-мае сыхаг-уаездандаер каем уыд.
Йае зарджытае Иры цы къуымты нае заелынц,
Йае «Хаехты фаедисон»-саерибарыл тох.
Йае «Фыййауы зараег»-ын адаемон схонынц,
Йае «Гораеттаг чызг»-даер наеу никаемаей рох.
Гъе уый мын куы ркастис мае фыстытаем цадаег,
Нымдзаст маем и, фаеджих и стаей мын заегъы:
-Даеуаей маем аеввахсдаертае фаецыдысты хатаег,
Фаелае маем лаемаегъ уацмыс нае цаеуы раегъы .
-Даеуаен Хуыцау фаехайкодта поэзийы зынгаей,
Ма йае фесаф, мае бон, фес т –ын дзырды куырд!
Мае санчъех фаеивта растдаер лыстаег сынкаей,
Ныр абон й’адаей аез фаелварын мае дзырд .
Мае Уастырджы разынд мае сыхаг йаехаедаег,
АЕснадтон йае куырыхон зондаей фаендаг.
Дзаегъаелы нае фаеци мае удхары раест;г-
Каестаер дзы, каед, арид ирон дзырды ад.

01.03.2023.