Къахетам боаца къавалар мустафа ганижев

КЪАХЕТАМ БОАЦА КЪАВАЛАР         Мустафа Ганижев

Кертача сона  дохк ма доал,    
Ц1авоаг1а со к1аьдванна.         
Йолаш я кха ер б1арчча цхьол,   
Нахаца воацаш вар селхан.               

Къаваннав, бахка хьаьши бац,      
Укха дунен т1а ца1 виса.
Ехай хачи, кхы хувца яц, 
Ванна уллвалар со тхьайса!

Фу дезар кха цу баьрешта,      
Лоам т1ар 1очухьожаш сога.   
Гой царна кечдаь хьаьшашта,   
Къавана мискинг, вац хьага.       

Валалехь ворда хьалянна,         
Цкъа со хуларе ваьхий вар!      
Вир я сона уллувяьнна,             
Соца хала г1ерта хатар.            

Еха торо яр гонахьа,
Даар дац оаркхалг да даьсса,
Цхьа сахьат доаг1а, ха яхьа,
Менна уллачо некъ лаьце.               
               
Укхаз шет1илгаш гучадоал,            
Х1аболбеш кхыч дунен т1ар нах.    
Къаванчун сен деза цар къоал,            
Цар вахаро Марс т1а бу мах.               

Цар сона йог1аргъяр му1аш,    
Са когашта ланаш тохаш.            
К1езиг байза баьлча лувхаш,
Уж къонахи иштта болаш.               

Сога шайт1олго мала оал,          
- Из фуд, 1а сога хьадувцар?       
Со къаваннав хьа малар мал,      
Хьо да, Дала шийха даьккхар!      

Цига аз Аллах1 ц1и йоакхаш,   
Шейтилг, марсианаш бовдаш.   
Иштта г1аьнахь со сомвоалаш,   
Къабанна корт хул аз лоацаш. 

Мишта хургвац сайх цецвала,      
Къавалар да б1арчча валар!            
Г1аьнаш гуш, хул со тарвала,            
Ца1 къахетам бац къавалар!
...                25. 01. 2025 ш.