Дахарехь угаре хазниг,
Дуьненахь сил мерзаниг,
Б1аьстенан юьххьехь самдаьлла
Де-нена хьоме тайниг.
Аганахь 1уьллура тийна,
Шен нена ца йойъуш наб,
Хиллера цу хенахь дуьйна
Заманах кхиана дог.
Х1ай, жима турпала к1орни,
Тхан бешар сийлахьа стом,
Бераллехь ца хилча дойне,
Кхиъча юхтохалац т1ом.
Тахна хьо кхоьллинчу дийнахь
Совг1атна, х1ай къома йо1,
Лаар-кха тоха хьан ц1ийнах
Массо а бусулба йо1.
Беркате хуьлда хьан дахар,
Диканца йохийла ц1е,
Могшалла бар-кха хьан бахам,
Ма гойла и эшна де!
03.03.2005год
Тайниг
© Copyright: Петимат Давдаева, 2025
Свидетельство о публикации №125012802816
Свидетельство о публикации №125012802816
Рецензии