АДЕТ АМАЧ
Лезги ч1алаз къимет амач,
Ам садазни герек амач,
Гьич рахадай адет амач.
Сефил хьанва зи лезги ч1ал.
Аяларни, ч1ехибурни,
Йис тахьанвай гъвеч1ибурни,
Урус ч1алал рахазава,
Есир хьанва зи лезги ч1ал.
Чи дагълариз гора лугьуз,
Вахт хьайила пора лугьуз,
Къеневай рик1 ава зи куз,
Пашман хьанва зи лезги ч1ал.
Гьайиф я заз дидедин ч1ал,
Хуьх лагьана, вегьенвай чал,
Рик1ел ала,, хьана са т1ал,
Алуд тежез, зи лезги ч1ал.
Стихи на лезгинском языке
© Copyright: Сельмина Курабекова, 2025
Свидетельство о публикации №125012604500
Свидетельство о публикации №125012604500
Рецензии