Зэныбжьэгъухэр губгъуэм докIуэ,
ХэтIэхэсэ тщIынущ нобэ.
Дыщхьэукъуэу пIэм димыс,
Хьэкум плIаплIэу дыкIэрымыс.
Лъэсу, жэру дэ дызокIуэ,
Ди хьэ Мыщи щыму нокIуэ.
Бгым дыдэкIми зыдмыгъэш,
ДымыщIакъуэ, демызэш.
КIэнутI цIыкIухэм зыридгъафIэу,
Чынхэр лъейуэ къыдогъафэ.
Дызэгъусэу топ доджэгу,
Дэ зыдогъэужь ди нэгу.
ПсынщIэрыжэ дызэдожэ,
КъещIэ-нещIэу Мыщи ножэ.
Дыдобжей – дыкъобжыхыж,
Ди гъуэмылэхэр дошхыж.
Жыгхэм уафэр щоуназэ,
ДылъэIэс къысщохъур мазэм.
Лъэсу, жэру дыкъожьэж,
Мыщи къожэ. Дыкъок1уэж.
Пшапэр тафэм щопэщащэ,
Къухьэж дыгъэм йоIущащэ.
Зэныбжьэгъухэр дытхъэжащ,
Гъуэмылашхэ дыщыIащ.
25.01.2025гъ
@Гъуэщокъуэ-Жумай Мадинэ
Гъуэмылашхэ - Адыгэ сабий джэгухэр
© Copyright: Мадина Гошокова-Джумаева, 2025
Свидетельство о публикации №125012505479
Свидетельство о публикации №125012505479
Рецензии