Дидедиз

Са куьнивни гекъиг жедач ширин ви сес, диде чан.
Вун галачиз ислягьвални рик1из язва, дяве чан.
Сад Аллагьди вичи хуьрай, хуьрай вири дидеяр.
Тек са гьада маса гудач, хуьда вичин куьрпеяр.

Капун юкьвал ц|арар ала, ацукьда чиг чилерал.
Дидед вичин гьар са бала, хуьда кьуна гъилерал.
Къуьншид папа гайи шуьре, хкана гьада ваз гуда.
Вичихъ авай булушкани, маса гана велед хуьда.

Зун жегьил я , гзаф кьадар, акьван яшар захъ авач,
Амма за квез веси ийизва, диде хьтинд (и) жагъидач.
Куьн Тамбовда къекъвейт1ани, фейит1ани Вьетнамдиз,
Диде хьтин инсан авач, гъил яхъ гьадан т1арамдиз.

Са дидеяр вил алаз жез, ацукьдава дак1ардихъ,
Кьуна гъиле телефони, акъудиз-тваз симкарта.
 «Яраб ч1ур хьанва жал има , вил ала зи зенгинал,
Ширин бала мус хкведа, акваз к1ан я хъвер чинал».

Вахтар физва, къе-пака бес куьнни жеда кьуьзуьбур,
Зиян гумир куьн хайидаз, ая дидедиз хатур.
Чин ачуха, гьадаз герек, герекзавайд куь бахт я.
Дидедин гьал вуна ч1урмир, ам кас, ч1ехи гунагь я.