Дуст я лугьуз, на маса гуз .
Им бес жедай кар ян, эллер?
Герек хьайла дад хкудна,
Гила к|амач кьаз зи гъилер..
Герек хьайла жуваз куьмек,
Са суфрадихъ къвез ацукьда.
Закай хийир амачирла,
Далудихъ жакьваз ацукьда.
Рик|ин сирер ахъайдайла,
Яб гудай амал ийида.
Ахъагъай сир чук|ур хъийиз
Ахпа вакай мал ийида.
Чи бубайри лугьудайвал
«Дуст кьаз регьят- хуьз четин я»
Дуствал маса гайи инсан
Ам инсан туш- ам батин я .
Дуст я лугьуз, на маса гуз
© Copyright: Меджидова Ульяна Эльбрусовна, 2025
Свидетельство о публикации №125012205641
Свидетельство о публикации №125012205641
Рецензии