Сада садан як немир т|ун,
Сад садакай рахамир.
Чинал хъуьрез амалдар хьиз,
Кьуллухъай гьич жакьвамир.
Са суфрадихъ санал т|уьр фу,
Рик|елай гьик| алатда?
Гьа кьуллухъай рахазвай мез,
Мус кьат| хьана, аватда?
Чинал гьич гаф лугьуз тежез,
Кьиф хьиз хьана, лал жеда.
Гьа ихьтин дуст - жаза я чаз,
Эхирдай душман жеда.
Сада садал гъибет ийиз,
Кьил вине кьаз къекъвезва.
Квел дамахзва вуна я кас,
Вучиз ви к|уф хъуьрезва?
Шад хьанан ваз, маса гана
Фитне винел акъудна…
Стхадин як ширин яни,
Къе на к|уфув агудна…?
Сада садан як немир т1ун
© Copyright: Меджидова Ульяна Эльбрусовна, 2025
Свидетельство о публикации №125012205552
Свидетельство о публикации №125012205552
Рецензии