Хьаначт1ани къекъведай гьал,
Ви гьиссер, дуст, фенай яргъал.
Гелер туна и дуьнядал,
Женнетдава Жамил стха!
Галукь тийиз я рагъ, я къай,
Вун дидеди капал хвенай.
Гьик1 агакьна вав залан пай,
Женнетдавай Жамил стха?!
Рахадай вун секинвал гъиз,
Мана-метлеб гафунин чиз,
Тахсир квачир малаик хьиз,
Женнетдава Жамил стха!
Заз мукьувай чир хьанай вун,
Гъейрибуруз сир хьанай вун,
Шииратда п1ир хьанай вун,
Женнетдавай Жамил стха!
Ашукь Шемшир рахадай вав,
Гьар гафуниз гана къилав.
Чи гуьгьуьлар туна ч1улав,
Женнетдава Жамил стха!
Ашуг Шемшир. Жамилаз
© Copyright: Магомед Мирзоев Мирзой, 2025
Свидетельство о публикации №125011808089
Свидетельство о публикации №125011808089
Рецензии