Иуасэкъым щай фIыцIэжь

Фыкъэув сатыру цIыхухэ,
Нобэ япэу сотыр - Уаз,
Фэ зыгуэр къыфхэтым гухэ,
ЗывмыIэжьэуэ зевгъэз.

Зэманым зэу зыкъигъэзауэ -
ЦIыху куэдым я гур зэщегъауэ,
ДыIэбэу? - ныбжькIэ демысауэ,
Дыдымейр къэтщтэну дырехулIэ?!

Къэрал щIыбым, щыпсэу жэгъуэгъухэм,
Ди, тIасхъэр тыншу къагъуэтащ,
Генсек - фыздэубзэр дэIуэгъу къащIри,
Зэш - зырыбыну псэу къэралым:
          я бэлагъыр къыхаIуащ.

Дунейр къызэрыхъурэ адыгэхэм я жагъуэщ,
ЦIыху хамэ, бэлагъ иIыгъыу къылъихьэну,
Апхуэдэм унэгуащэр егийIнущ:
"СынолъэIуа сэ уэ къакIуэ жысIэу" - жыхуиIэу!

Ди тэмакъым, къэхъуар зыгуэру щIэдгъэхуэнт,
Чэнджэщ къыдатхэм купщIэ иIэуэ тлъэгъуатэм,
Указ - къыдэкIхэм, дыхуэмейу дызыпагъэкIуэт,
Ахэм, адыгэми, цIыхугъэми щыукъым.

Сэ, сцIыху хьэIужым-мыIужыихэм,
Дэ къыдапэсхэр - зым хъымпIар имыщI,
Абыхэм, жып лей щIырагъадэ я гъуэншэджхэм,
УIэбэнумэ мис иджыщ: зэжьэраIэу зэхызахыр.

Файдэ хэхыпIэ жьы къепщар сщIыфынуми,
Сэ, дауэ зэуэ нэгъуэщI сыхъуну,
Си адэ къуэш Умар себакъуэу и ущием,
Дуней былымыр дауэ - зэслъэфэлIэну?

Си къалэмыр икIэщIыпIэкIэ мыбзэщхъум,
Жеймыхъур "янкэхэм" сахуэгъэзащ,
Я пэщхъыным IэщтIымкIэ сиуэну сынэмысыми,
Я хьилагъэр, кIуэрыкIуэм тету сатей къэсщIынщ.

Демократием къытхуагъэлъагъуэ ныкъусэн имыIатэм,
Абы - "УэредадэкIэ"! - дыпэжьэ хъунут,
Ди Адыгагъэм еплъытым, ар иуасэкъым -
ИпэкIэ зэрыжаIэу: "Щай фIыцIэжь".
                1990 гъ.