Ширин гафар ала мецел,
Ваз лугьудай азиз гуьзел,
Са геренда экъеч1 къецел,
Милаим хъвер алаз сивел.
Рик1ин гьиссер хьанва къизгъин,
Агат тийиз, за ваз вучин!?
Хияларни хьанва дерин,
Ийимир на зи рик1 серин.
Вун акурла, жеда зун шад,
Атайди хьиз гатфарни гад,
Зат1ни к1андач дуьньяда мад,
Рик1ер хьуй чи кьведанни сад.
Ви дидарди кузва жигер,
Такурт1а вун са къуз эгер,
Язух тушни зинни мегер,
Югъ-йифди вал алаз вилер.
Ша суьгьбетин, дагъдин марал,
Чуьнгуьр хьиз вун кьада хурал,
Къелем хьитин къугъваз гарал,
Зи патав ша къацу ч1урал.
13.01.2025
Ша суьгьбетин
© Copyright: Нажмудин Шихнабиев 2, 2025
Свидетельство о публикации №125011305786
Свидетельство о публикации №125011305786
Рецензии