Застольная песня

ЗАСТОЛЬНАЯ ПЕСНЯ
леанід ПРАНЧАК

Сёння добрая нагода
Для вяселля і прыгод:
Мы спяваем для народа,
Мы спяваем пра народ.

Хоць бяседа, хоць гулянка,
Анікому не сакрэт:
Як без песні гэта п’янка,
А як з песняй дык банкет!

За Ваша здароўе, за Ваша здароўе
Шчаслівы падняць я бакал да краёў.
Каб грэла Вас сонца ў любое надвор’е,
А ў дождж і нягоду каб грэла Любоў!

Хай вядуцца ў хаце грошы,
Каб не знацца вам з бядой.
Налівай пад тост прыгожы
Беларускі наш напой.

Хто што любіць, хто што мае,
Варушыся, тамада.
Хай гармонік грае-грае,
Хай спявае грамада.

За Ваша здароўе, за Ваша здароўе
Шчаслівы падняць я бакал да краёў.
Каб грэла Вас сонца ў любое надвор’е,
А ў дождж і нягоду каб грэла Любоў!

Па кілішку, па кілішку
Святкаваць дык святкаваць,
Каб настрой палепшаў крышку,
Каб хацелася спяваць.

Хоць бяседа, хоць гулянка,
Анікому не сакрэт:
Як без песні гэта п’янка,
А як з песняй дык банкет!

За Ваша здароўе, за Ваша здароўе
Шчаслівы падняць я бакал да краёў.
Каб грэла Вас сонца ў любое надвор’е,
А ў дождж і нягоду каб грэла Любоў!

06.09.2023

P.S.
Публічнае выкарыстанне
і распаўсюджванне тэксту
ЗАСТОЛЬНАЯ ПЕСНЯ
толькі з пісьмовага дазволу Аўтара.
 
Публікуецца выключна
для выкарыстання ў асабістых мэтах.