АДЕТ АМАЧ
Лезги ч1алаз къимет амач,
Ам садазни герек амач,
Гьич рахадай адет амач.
Гьайиф зи ч1ал, зи лезги ч1ал.
Аяларни, ч1ехибурни,
Йис тахьанвай гъвеч1ибурни,
Урус ч1алал рахазава,
Ван хьайи рик1 зи т1азава.
Чи дагълариз гора лугьуз,
Вахт хьайила пора лугьуз,
Къеневай рик1 ава зи куз,
Зи рик1 алай дидед ч1алахъ.
Гьайиф я заз дидедин ч1ал,
Хуьх лагьана, вегьенвай чал,
Рик1е ава, хьана са т1ал,
Манидалди хуьда са гьал.
Адет амач
© Copyright: Сельмина Курабекова, 2025
Свидетельство о публикации №125010907701
Свидетельство о публикации №125010907701
Рецензии