Сыту лъагъугъуаф1э мы ди Папэ,
Щы1эу п1эрэ ар зигу иримыхь?!
Зэхэпхамэ зэ абы и жьабзэр,
Зы дакъикъи, зэи, уигу имыху!
Адэ лъагъуныгъэм и бзэр дахэщ,
Сабий ц1ык1ухэм псоми зэхащ1ык1.
Къочэнджэщмэ, ар зэ мыхъуми-гуапэщ,
Гъатхэ уэшхыу гущ1эм ар къо1ук1.
Адэ лъап1э, пхъашэу щытми уи 1эр,
Дыгъэ бзийуэ укъыстолъэщ1ыхь.
Уогъэхуабэ уаем я нэхъ щ1ы1эр,
Жэщым я нэхъ к1ыф1ыр уощ1 гурыхь.
Къытщхьэщытщи уэ уи лъагъуныгъэр,
Сабийгъуэр дахэщ! Ар дыгъэпсщ!
Нэхущ вагъуэу, Папэ, насып щыгъэу,
Тхьэшхуэм гъащ1эр куэдрэ пхуищ1 гуф1эпс!
08.01.2025гъ
@Гъуэщокъуэ-Жумай Мадинэ
Сыту лъагъугъуаф1э мы ди папэ...
© Copyright: Мадина Гошокова-Джумаева, 2025
Свидетельство о публикации №125010808266
Свидетельство о публикации №125010808266
Рецензии