ВУН АМАЧ ЗАЗ
Зун амач ваз,
Вунни зи яр туш гила,
Кьат1 хьайид хьиз
Рик1ин дамар кайила.
Вун амач заз
Зун амач ваз санани,
Чаз хъахъатдай
Залумдин пай ганани.
Чара амач
Рик1ел хьайи хирериз,
Килигизни
К1амач заз ви вилериз
.
Залам хьанва
Зи вилерни ахъайиз,
Тежер шеъ я -
Дерт акъудна апайиз.
Низ герек я
Рик1 ат1узвай а ви т1ал?
Гайи дерт я -
Чун къакъудиз атай къал.
Авай тушир
Залай касни ваз гуьрчег,
Гьиниз квахьна
Зи гуьрчегвал гвай куьлег?
Зи к1анивал
Женнетдавай са багъ тир,
Алат1а жал
Къакъатунал зи тахсир?
К1ур ганахьи
Вуна чи к1анивилиз,
Гьик1 лугьун за
Вун к1анзамай зи рик1из?
Вун амач заз...
© Copyright: Сельмина Курабекова, 2024
Свидетельство о публикации №124123107580
Свидетельство о публикации №124123107580
Рецензии