Хъваз хьайит1а на и тегьер,
Ви бахчада жедач бегьер
Кайванидин хамир на пер,
Бес я ички, хъвамир зегьер.
Рик1елламач к1вални хизан,
Ацукьна хъваз зегьер хъсан.
Ни вахкуда буржар шазан?
Бес я ички, хъвамир зегьер.
Рахар кьван сес амач папахъ,
Я намусни авач хьи вахъ.
Аквазва ваз даим вун гьахъ,
Бес я ички, хъвамир зегьер.
Вирида вал ийизва хъвер,
Авайд я ви хуквад эвер,
Муьт1угъ амач ваз ви к1вачер,
Бес я ички, хъвамир зегьер.
К1вале аваз шумуд дерди,
Пул зегьердихъ гузва вири.
Аялриз негь ийиз, хайи,
Бес я ички, хъвамир зегьер.
Къал-макъални жедач к1вале,
Т1имил цайт1а ички къене.
Астафируллагь лагь я келле,
Бес хъия на, хъвамир зегьер.
Секина. Бес я ички, хъвамир зегьер
© Copyright: Магомед Мирзоев Мирзой, 2024
Свидетельство о публикации №124122406475
Свидетельство о публикации №124122406475
Рецензии