Чеб винерай т1акьадай,
Писни-хъсан аквадай,
Виждан-намус рик1еллай,
Хуш я рик1из инсанар!
Садакьа хьиз п1иреллай,
Хийир-дуьа мецеллай,
Рик1икай хабар жедай,
Хуш я рик1из инсанар!
Инсандин язух къведай,
Табни-гьилле тийидай,
Гьахъ паталди рекьидай,
Хуш я рик1из инсанар!
Кьве чин алаз рахадай,
Чараз пара аквадай,
Масадан дерт таквадай,
К1ан туш рик1из инсанар.
Са къуллугъдал хьайила,
Табиз, виняй рахадай,
Вич са дагъ хьиз аквадай,
Кесиб кьадай руквадай,
К1ан туш рик1из инсанар.
Секина. Хуш я рик1из инсанар
© Copyright: Магомед Мирзоев Мирзой, 2024
Свидетельство о публикации №124122207487
Свидетельство о публикации №124122207487
Рецензии