Чи Ленинан фонардин экв
Рик1ерин шадвал я, дустар,
Ама вири кесиб халкьдин
Зурба абадвал я, дустар.
Ленина чаз къалурай рехъ
Пара-пара къени рехъ я;
Ама вири кесиб халкьдиз
Ччандилайни к1ани рехъ я.
Ленина чаз гайи бахтар,
Гайи бахтар ч1ехибур я.
Большевикрин к1валахар къе
Чун патал лап къенибур я.
Дунья барбат1 хьайит1ани,
Совет Власть терг жедайд туш.
Чна ваз кьур кьин, чи регьбер,
Чи рик1елай гьич фидайд туш!
Ктаб кьуна ахъаюрла,
Тарс акъатна "Къизилгуьлер".
Чаз и илим веси турда
Уяхарна вири эллер.
Сталинан дак1ардавай,
Дак1ардавай нуьгведин ич.
Ленина чаз авур веси
Рекьидалди рик1елай фич.
Жибиндавай лацу ягълух
Къизилгуьлер алаз к1андай.
Социализма хьанавайла,
Ленин юлдаш галаз к1андай.
Ленинан гьуьрметлу суьрет
К1ени ярдин хурал-лазва,
Гьар гьалатда чаз къуват яз
Ленин буба чахъ галазва.
103. Ленин бубадикай
© Copyright: Магомед Мирзоев Мирзой, 2024
Свидетельство о публикации №124122106063
Свидетельство о публикации №124122106063
Рецензии