Гуьзел цуьквер, бегьер авай,
Кьуд пад вири п1ирер авай,
Лап машгьур тир шейхер авай,
Ялахърин хуьр макан я ви.
Т1ебиатди вичин чилел,
Вун рик1ивай ашукьарна.
Сад Аллагьди дидед ч1алал,
Ви рик1 михьиз ацукьарна.
Культурадин редактор яз,
Газетда на к1валахзава.
Хуьруьнбуру ви пак т1вар кьаз,
Валди еке дамахзава.
Лезгийрин вун я хьи абур,
Ваз Аллагьди ганва сабур,
Михьиз кьилиз акъудзава,
Гьар са к1валах на гъиле кьур.
Чи мурад я, Казим халу,
Шад, хуррамдиз хьунухь к1вачел.
Лезгистанда гьар са касдин,
Уьмуьрлух вун хьурай рик1ел.
Секина. Казим халу
© Copyright: Магомед Мирзоев Мирзой, 2024
Свидетельство о публикации №124122001720
Свидетельство о публикации №124122001720
Рецензии