Ирс дахьалда хlора шаро.
Даккхийдедеш вовшийн гаро.
Сингаттаме йахна хан,
Дlайолийла хилла гlан.
Тасабелла а беран ког,
Ма доьлхийла ненан дог.
Беркат хуьлда хlусамехь.
Ларам болуш, безамехь,
Бертахь дахар хуьлда вайн.
Хуьлда стиглахь мархаш кlайн.
Гlайгlа-бала дlаайбеш,
Ког хелхарехь шаршабеш,
Маьлхан зlаьнарш йолуш теш,
Вайн хьекъийла синан беш.
Ирс дахьалда хlора шаро...
© Copyright: Джамал Дударов, 2024
Свидетельство о публикации №124121707360
Свидетельство о публикации №124121707360
Рецензии