Шукур хьурай сад Аллагьдиз,
Вун хьтин хва чаз багъишай.
Ви камалдин чар булахдиз-
Эбеди я чи алхишар!
Эмирбег я Хуьруьгрин хва,
Дуьньядиз т1вар машгьур, заха!
Лезги халкьдиз ви зегьметар
Хазинаяр я хуш, багьа.
Гьар са рик1ин дамах я вун,
Чи сад рекьин даях я вун.
Гележегдин несилризни
Туьхуьн тийир чирагъ я вун.
Гьик1 лугьудач вакай мани,
Гьа мани вун яз хьайила.
Ширин тир сес, акьул дерин,
Сад Аллагьди ваз гайила.
Профессор, академик-
Гъетер къвазва цаварин вал.
Бегьерлу я ви гуьзел ник-
Лепе гузвай гьамиш гарал.
Секина. Гьик1 лугьудач вакай мани
© Copyright: Магомед Мирзоев Мирзой, 2024
Свидетельство о публикации №124121705772
Свидетельство о публикации №124121705772
Рецензии