Ц1ийи йисар къвез алатда,
Шадвилерни нез акъатда,
Т1алабай кьван чаз мурадар,
Учирдава кьаз нубатар.
Ц1ийи свас хьиз шад туьк1уьрна,
Ёлкадални гъед куьк1уьрна,
Къугъвазва чи нур аялар,
Чи гьар садан гур хиялар.
Ч1ехи-гъвеч1и сад хьана къе,
Т1алабзава ислягь уьлкве,
Къуй кьилел хьуй вили тир цав,
Гьар са касдиз секин тир къав.
Ц1ийи йисуз вегьей камар,
Гъалибвилин хьурай гьунар.
А фашистрин хьурай эхир,
Чи аскерар хьурай загьир.
Ц1ийи йисан шад межлисри,
Пай ат1урай терс иблисрин,
Сагърай чи халкь ватан к1ани,
Рекье авай анжих къени.
14.12.2024.
Ц1ийи йисаз
© Copyright: Нажмудин Шихнабиев 2, 2024
Свидетельство о публикации №124121506384
Свидетельство о публикации №124121506384
Рецензии
