Снегу ў зімачкі багата!
Пасвятлела раптам хата.
Першы снег бялюткі, свежы -
На дамах, кустах, адзежы.
Снег на елачках, таполях…
Засняжыла наваколле!
Казку зімачка стварыла,
Шэрань дрэўцам падарыла.
Снег паблісквае на сонцы.
Снегіры, як два чырвонцы,
Рупна ягадкі з галінкі
Абіраюць у рабінкі.
А сінічкі - «цінь» ды «цінь»,
Нас вітаюць: «Добры дзень!»
Непаседам-вераб’ям
Я сягодня зерня дам.
Падтрымай і ты пярнатых!
Цяжка ўзімку ім, рабяты!
Раю ўсім зрабіць кармушкі,
Каб лягчэй жылося птушкам.
Засняжыла наваколле
© Copyright: Людмила Воронова Супрун, 2024
Свидетельство о публикации №124121303915
Свидетельство о публикации №124121303915
Рецензии