Лезги хуьрер-гьарма са къаш,
Ц1ийи,куьгьне - эркин я эл.
Ягъийривай тахьай тараш,
Тарих я чи чилин винел.
Къадимвал чи хвена хуьре,
Дегь имарат,шагьидвал гвай.
Лезгивални рик1ин къене,
Сагърай зи халкь къе садвал гвай.
Гьар хуьре са хуьзва адет,
Несмлриз чи чир хьуй лугьуз.
Чи халкьариз хас тир хесет,
Сабурдалди кьиле тухуз .
Чубарукрин мукар яни,
Дагъдин рагак кик1ай к1валер,
Кьве магьле куь лувар яни,
Аршда авай азад лекьер.
К1валер санал хьун садвал я,
Дустни душман кьабулдайла.
Халкьарин чи къе шадвал я,
Мелни мехъер къурмишдайла.
Виш йисара хвейи хуьрер,
Чи тарихдин шагьидар я.
Квел девиррин ала гелер,
Игитвилин сагьибар я.
07.12.2024.
Лезги хуьрер
© Copyright: Нажмудин Шихнабиев 2, 2024
Свидетельство о публикации №124120700829
Свидетельство о публикации №124120700829
Рецензии
